KÜRDƏMİR REGİONAL AQRAR ELM MƏRKƏZİ SINAQ TƏCRÜBƏLƏRİ APARIR
AZƏRTAC-ın müxbiri xəbər verir ki, Kürdəmir Regional Aqrar Elm Mərkəzində son vaxtlar maddi-texniki bazanın möhkəmləndirilməsi elmi işlərin səmərəsinin artırılmasına, yeni toxum sortlarının yaradılmasına, təcrübə sınaqlarının keçirilməsinə imkan yaratmışdır. Mərkəzin balansında hazırda 1200 hektar torpaq sahəsi vardır. Yeni alınmış Yaponiya-Hollandiya istehsalı olan şinli traktorlar, ziyanvericilərə qarşı mübarizə aparatları və digər müasir texniki avadanlıq elmi işlərin daha yaxşı təşkilinə, lazımi təcrübə sınaqlarının aparılmasına imkan verir. Hazırda “AZNXC-192”, “Gəncə-2”, “Gəncə-8” pambıq toxumu sortları sınaqdan keçirilir. Eyni zamanda, İsraildən gətirilmiş “Gedara-19” və “Gedara-236”, Türkiyədən gətirilmiş “Ağ qızıl” və “Mirac” pambıq sortlarının təmizliyi öyrənilir.
Bu il mərkəzdə toxumluq məqsədi ilə yeni və yüksək məhsuldar “Qılçıqsız”, “Qobustan”, “Nurlu”, “Turan” buğda sortları yetişdirilmişdir. Hazırda bu sahədə əldə edilmiş nəticələr təhlil edilir.
Bölmənin digər xəbərləri
