Kürdəmirdə 50 min hektar sahədə taxıl əkini proqnozlaşdırılır
Kürdəmir, 15 noyabr, AZƏRTAC
Kürdəmir rayonunda taxıl səpini davam edir və indiyədək 32 min 50 hektar sahədə əkin aparılıb.
Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumatda bildirilir ki, cari mövsümdə Kürdəmirdə 50 min hektar sahədə taxıl əkini proqnozlaşdırılır. Son vaxtlar hava şəraitinin törətdiyi çətinliklərə baxmayaraq, bu mühüm kampaniyanın vaxtında və aqrotexniki tələblər səviyyəsində başa çatdırılması üçün bütün qüvvələr səfərbər edilib. Hazırda hər gün sahələrə 35-dən çox səpin aqreqatı çıxarılır. Səpində yerli şəraiti üçün daha çox əlverişli olan “Murov2”, “Qobustan” buğda, “Qarabağ 22”, “Qarabağ 33 ”arpa sortlarından istifadə edilir. Əksər yerlərdə, xüsusilə Yuxarı Şilyan, Qarasu, Muradxan, Sor-Sor, Qarasaqqal və bir sıra digər icra nümayəndəliklərində əkin daha mütəşəkkil aparılır.
Bölmənin digər xəbərləri
