KÜRDƏMİRDƏ 6800 YENİ İŞ YERİ AÇILMIŞDIR
Regionların sosial-iqtisadi inkişafı Dövlət Proqramından irəli gələn vəzifələrin uğurla həyata keçirildiyi Kürdəmir rayonunda yeni iş yerlərinin yaradılması istiqamətində tədbirlər davam etdirilir. Rayon Statistika İdarəsindən AZƏRTAC-ın müxbirinə bildirmişlər ki, cari ilin on ayında 2293 yeni iş yeri açılımışdır. Rayonda yeni fəaliyyətə başlayan “Regional Enerji Təchizatı” MMC-də 73 nəfər, “Qelios və Aqrokompleks” MMC-də 67 nəfər, eləcə də digər istehsal və xidmət sahələrində yüzlərlə kürdəmirli işlə təmin edilmişlər.
Ümumiyyətlə, Dövlət Proqramının icrasından ötən müddət ərzində rayonda 6800 təzə iş yeri yaradılmışdır. Bundan 2573-ü daimi, 4227-si isə mövsümidir. İş yerlərinin 3654-ü aqrar bölmədə, 1681-i sənayedə, qalanı isə təhsil, səhiyyə, mədəniyyət və xidmət sahələrindədir.
