KÜRDƏMİRDƏ MƏRKƏZİ ŞƏHƏR STADİONUA YENİDƏN QURULUR
Azərbaycan Prezidentinin “Azərbaycan Respublikası regionlarının, o cümlədən Əli Bayramlı şəhəri, Hacıqabul, Kürdəmir, Saatlı, Sabirabad, Ağstafa, Gədəbəy, Qazax, Şəmkir və Tovuz rayonlarının sosial-iqtisadi inkişafının sürətləndirilməsinə dair əlavə tədbirlər haqqında” Sərəncamı ilə təsdiq edilmiş tədbirlər planına əsasən Kürdəmirdə mərkəzi şəhər stadionu yenidən qurulur. Rayon icra hakimiyyətinin tikinti və memarlıq şöbəsindən AZƏRTAC-ın müxbirinə bildirmişlər ki, bu məqsədlə 640 min manat vəsait ayrılmışdır. Bakı Tikinti və Şəhərin İnkişafı şirkəti tərəfindən həyata keçirilən inşaat işləri ilin sonunadək başa çatdırılacaqdır. Burada işıqlandırma sistemi təzələnəcək, müasir standartlar səviyyəsində 2000 yerlik oturacaqlar quraşdırılacaqdır. Tribunada, soyunub-geyinmə və məşq otaqlarında da yenidənqurma işləri aparılacaqdır. Futbol meydançası, yüngül atletika oyunları üçün qurğular kütləvi idman tədbirlərinin ən yüksək səviyyədə keçirilməsinə imkan yaradacaqdır.
Bölmənin digər xəbərləri
