Küveytin “Əl-Vasat” qəzetində ulu öndər Heydər Əliyevə həsr olunmuş məqalə dərc edilmişdir
Bakı, 10 may (AZƏRTAC). Azərbaycan Respublikasının Küveyt Dövlətindəki səfirliyindən AZƏRTAC-a bildirmişlər ki, Azərbaycan xalqının ümummilli lideri Heydər Əliyevin anadan olmasının 88-ci ildönümü ilə əlaqədar silsilə tədbirlər çərçivəsində Küveytin böyük oxucu kütləsinə malik “Əl-Vasat” qəzetində ulu öndərə həsr olunmuş məqalə dərc edilmişdir.
Məqalədə ümummilli liderin həyat və fəaliyyəti geniş işıqlandırılmış, müstəqilliyimizin möhkəmləndirilməsi, qorunub saxlanılması, Ermənistanın Azərbaycana təcavüzünün qarşısının alınmasında Heydər Əliyevin oynadığı mühüm rol, həmçinin uğurlu neft strategiyası barədə oxuculara ətraflı məlumat verilmişdir.
Məqalədə ümummilli lider Heydər Əliyev tərəfindən təməli qoyulmuş daxili və xarici siyasət nəticəsində ölkəmizin hərtərəfli inkişafı və beynəlxalq aləmdə artan nüfuzu vurğulanmış, Azərbaycanın İslam və ərəb dövlətləri ilə münasibətlərinin qurulması və inkişafında ulu öndərin böyük rolu xüsusi qeyd olunmuşdur.
Bölmənin digər xəbərləri
