LATVİYADA KÜÇƏLƏRDƏ SİQARET ÇƏKMƏK QADAĞAN EDİLƏCƏK

08.11.2006 [22:56]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Latviyanın Səhiyyə Nazirliyi ictimai yerlərdə siqaret çəkməyə qadağa tətbiq edilməsini nəzərdə tutan qanun layihəsi hazırlamışdır. Sənədə əsasən, küçələrdə, açıq kafelərdə və diskotekalarda siqaret çəkmək qadağan oluna bilər.

Müzakirə üçün parlamentə göndərilmiş qanun 2008-ci il iyulun 1-dən qüvvəyə minəcəkdir. Əgər qanun indiki şəklində bəyənilərsə, onda Latviya ərazisində yalnız şəxsi mənzildə, maşında və ya xüsusi ayrılmış yerlərdə siqaret çəkmək mümkün olacaqdır.

Bu, Latviyada son iki ildə siqaret çəkməyə qarşı üçüncü qanundur. Bu il ölkədə kafe və barlarda, habelə ictimai nəqliyyat dayanacaqlarında siqaret çəkmək qadağan edilmişdir. 2005-ci ildən isə Latviyada bütün dövlət idarələrində və onlardan 10 metr radiusda siqaret çəkmək qadağandır.

LATVİYADA KÜÇƏLƏRDƏ SİQARET ÇƏKMƏK QADAĞAN EDİLƏCƏK

MÜƏLLİFLƏ ƏLAQƏ

Bölmənin digər xəbərləri