“LƏNKƏRAN RET” MMC İNDİYƏDƏK 31 MİN 674 SAYĞAC QURAŞDIRMIŞDIR

13.12.2006 [10:39]
Çap et
A⁺ A^-

“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, Lənkəran, Masallı, Astara, Yardımlı və Lerik paylayıcı elektrik şəbəkələrini özündə birləşdirən, 98 min 567 abonentə xidmət göstərən “Lənkəran Regional Enerji Təchizatı” Məhdud Məsuliyyətli Cəmiyyət (MMC) indiyədək 31 min 674 sayğac quraşdırmışdır.

MMC-nin satış üzrə direktor müavini Məlikram Mirzəyevin verdiyi məlumata görə, irimiqyaslı sayğaclaşma proqramı başlanandan bəri elektrik enerjisinin istehlakı zamanı əvvəllər qeydə alınan israfçılıq halları artıq aradan qaldırılmışdır. Ötən ilin noyabrında istehlakçıların əhali qrupuna 46,3 milyon kilovat-saat elektrik enerjisi sərf edilmişdisə, cari ilin müvafiq dövründə bu göstərici cəmi 38,1 milyon kilovat-saat təşkil etmişdir.

Cəmiyyətin müəssisələrində istehlaka yönəldilən elektrik enerjisinin haqqının yığılmasında da irəliləyişə nail olunmuşdur. Noyabrda əhali bölməsi üzrə abonentlərdən ötən ilin müvafiq dövründəkinə nisbətən 101 min manat çox - 324 min manatdan artıq enerji haqqı yığılmışdır.

İstehlakçılara elektrik enerjisinin davamlı və məhdudiyyətsiz verilməsinə baxmayaraq, ödəmədən yayınma, sayğaclara qeyri-qanuni müdaxilə halları da qeydə alınır. Belə abonentlər barədə ciddi tədbirlər görülür.

“LƏNKƏRAN RET” MMC İNDİYƏDƏK 31 MİN 674 SAYĞAC QURAŞDIRMIŞDIR

MÜƏLLİFLƏ ƏLAQƏ

Bölmənin digər xəbərləri