LƏNKƏRANDA İNFORMASİYA TEXNOLOGİYALARINAHƏSR OLUNMUŞ SEMİNAR-MÜŞAVİRƏ KEÇİRİLMİŞDİR
Gənclər və İdman Nazirliyinin, Daxili İşlər Nazirliyinin, “Meqa-informasiya” şirkətinin Lənkəran Şəhər Gənclər və İdman İdarəsi ilə birgə keçirdiyi tədbirdə rayonda fəaliyyət göstərən ali və orta-ixtisas məktəblərinin tələbələri, ümumtəhsil məktəblərinin yuxarı sinif şagirdləri, idarə və müəssisələrdə çalışan gənclərin nümayəndələri iştirak etmişlər.
Toplantıda Lənkəran Şəhər Gənclər və İdman İdarəsinin rəisi Azad Kazımov, “Meqa-informasiya” şirkətinin təmsilçisi Qabil Qasımov, Gənclər və İdman Nazirliyinin nümayəndəsi Qabil Abbasov və Daxili İşlər Nazirliyinin məsul işçisi Cavid Qasımov çıxış edərək son dövrdə gənclər arasında informasiya texnologiyalarına marağın artması, bu sahədə çalışan istedadlı gənclərin potensialından səmərəli istifadə etmək məqsədi ilə qarşıda duran vəzifələrdən danışmış, dinləyiciləri maraqlandıran sualları cavablandırmışlar.
Bölmənin digər xəbərləri
