Bakı, 8 noyabr (AZƏRTAC). Lənkəranın Şiləvar kənd orta məktəbində “Məktəblərdə futbol dərsi” layihəsinin açılışı olmuşdur.

AFFA-dan AZƏRTAC-a bildirmişlər ki, tədbirdə Lənkəran şəhər təhsil idarəsinin fiziki hazırlıq üzrə metodisti Kamran Məmmədov, məktəbin direktoru Elnur Əsədli, Azərbaycan milli komandasının və “Xəzər-Lənkəran” klubunun üzvləri Rahid Əmirquliyev və Rasim Ramaldanov iştirak etmişlər.

Bu layihə Şiləvar kənd orta məktəbində V, VI və VII siniflərdə təhsil alan 80 şagirdi əhatə edəcəkdir.

Tədbirin sonunda Rahid Əmirquliyev və Rasim Ramaldanov şagirdlərlə birgə futbol oynamışlar.