Lənkəranda saxlanılan narkokuryerdən silah və 5 kiloqram heroin aşkarlanıb
Lənkəran, 3 mart, AZƏRTAC
Astara rayon sakini Elçin Əsədov Lənkəran rayonunun Göyşaban kəndi ərazisində saxlanılıb. Keçirilən baxış zamanı onun əlindəki bağlamadan 5 kiloqramdan artıq heroin, 1 ədəd “Makarov” tipli tapança, həmin silaha aid sandıqça və 8 ədəd patron aşkarlanaraq götürülüb.
Daxili İşlər Nazirliyinin Mətbuat xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, ilkin araşdırma zamanı E.Əsədovun həmin narkotik vasitə və odlu silahı İranda yaşayan narkotacir vasitəsilə əldə etdiyi, pul müqabilində deyiləcək yerlərə çatdırmalı olduğu müəyyən edilib.
Qeyd edək ki, Lənkəran ŞRPŞ-nin əməkdaşlarının narkotik vasitələrin qanunsuz dövriyyəsinə qarşı keçirdikləri əməliyyat tədbirləri nəticəsində son 20 gün ərzində ümumilikdə 28 nəfər saxlanılıb.
Faktlarla bağlı Lənkəran ŞRPŞ-də araşdırma aparılıb.
Bölmənin digər xəbərləri
