Lənkəranlılar 20 Yanvar faciəsi qurbanlarının xatirəsini ehtiramla yad etmişlər
Lənkəran, 18 yanvar (AZƏRTAC). Yanvarın 17-də Lənkəran şəhərindəki “Şəhidlər” abidə-kompleksinin önündə 20 Yanvar faciəsinin 24-cü ildönümünə həsr olunmuş anım mərasimi keçirilmişdir.
AZƏRTAC xəbər verir ki, rayonun rəhbər işçiləri, idarə, müəssisə və təşkilatların rəhbərləri, müharibə veteranları, gənclərin və ictimaiyyətin nümayəndələri, şəhər əhalisi abidənin və ölkəmizin suverenliyi və ərazi bütövlüyü uğrunda şəhid olanların məzarları önünə əklillər və gül dəstələri düzərək onların xatirəsini böyük ehtiramla yad etmişlər. Şəhidlərin ruhuna dualar oxunmuşdur.
Həmin gün Nəcəf bəy Vəzirov adına Lənkəran Dövlət Dram Teatrında 20 Yanvar faciəsinin 24-cü ildönümünə həsr olunmuş “Qanlı Yanvar” adlı ədəbi-bədii kompozisiya nümayiş etdirilmişdir. Əməkdar Artist Adil Zeynalovun quruluş verdiyi ədəbi-bədii kompozisiya tamaşaçılar tərəfindən maraqla qarşılanmışdır.
Bölmənin digər xəbərləri
