Litvanın yeni Prezidentinin inauqurasiyasına xarici dövlətlərin liderləri dəvət olunmayıb
Vilnüs, 10 iyul, AZƏRTAC
İyulun 12-də Litvanın yeni seçilmiş Prezidenti Gitanas Nausedanın inauqurasiyası olacaq.
AZƏRTAC Prezidentin şəxsi katibliyinin məlumatına əsasən xəbər verir ki, qapalı keçiriləcək mərasimə xarici ölkələrin liderləri dəvət olunmayıb. Təntənəli mərasimdə yalnız hökumət nümayəndələri və Litva dövlətinin müstəqillik qazanmasında rolu olmuş şəxslər iştirak edəcəklər.
İnauqurasiya tədbirləri Litva Milli Hərəkatının patriarxı Yonas Basanoviçyusun heykəlini ziyarətlə başlayacaq. Sonra Seymdə iclas, Müqəddəs Stanislav və Müqəddəs Vladislav kilsəsində dini ayin keçiriləcək. Daha sonra G.Nauseda Vilnüsün mərkəzi meydanında prezidentlik vəzifəsini Dalya Qribauskaytedən təhvil alacaq və bundan sonra xalqa müraciət edəcək.
Rəsmi tədbirlərdən sonra konsert olacaq.
Aygün Əliyeva
AZƏRTAC-ın xüsusi müxbiri
Vilnüs
Bölmənin digər xəbərləri
