Luis Hamilton Bakı mərhələsini karyerasında ən çətin yürüş adlandırıb
Bakı, 2 may, AZƏRTAC
“Mercedes”in britaniyalı pilotu Luis Hamilton Formula 1 Azərbaycan Qran-Prisini karyerasında ən çətin yürüş adlandırıb.
AZƏRTAC bu barədə xarici KİV-lərə istinadən xəbər verir.
“Yəqin ki, bu, mənim yadımda qalan ən çətin yürüşdür. Daim əsən külək işimizdə çətinlik yaradırdı. Biz, demək olar, nəm asfaltda gedirdik; vəziyyət bu dərəcədə mürəkkəb idi. Yürüş gərginlik dərəcəsinə görə, yağışlı havadakına bənzəyirdi”, - deyə L.Hamilton “F1Today” proqramının efirində bildirib.
Xatırladaq ki, L.Hamilton komanda yoldaşı, “Mercedes”in finlandiyalı pilotu Valtteri Bottasın finişə çathaçatda yarışı dayandırmaq məcburiyyətində qalması nəticəsində qələbə qazanıb.
Bölmənin digər xəbərləri
