Luis Hamilton “Mercedes” ilə müqaviləsini yeniləməyə tələsmir
Bakı, 10 avqust, AZƏRTAC
Luis Hamilton “Mercedes” komandası ilə olan razılaşmasına aydınlıq gətirib. Britaniyalı pilot komandası ilə yeni müqavilə imzalamağa tələsmir.
AZƏRTAC xəbər verir ki, pilot müqavilə imzalamaq üçün lazımi zamanı gözlədiyini deyib: “2021-ci ilin müqaviləsi barədə tələsmək istəmirəm. Dünyada yayılan təhlükəli xəstəlik məni də ciddi narahat edir. Rəhbərliyin mənim qərarımdan xəbəri var. Başqa komandalarla danışıqlar aparmamışam. Hər şeyi sakit və şəffaf şəkildə həll etmək istəyirəm. Mən komandamı təmsil etməyə davam edəcəyəm”.
Qeyd edək ki, 2013-cü ildən “Mercedes”in heyətində çıxış edən L.Hamilton 6 dəfə dünya çempionu adını qazanıb.
Bölmənin digər xəbərləri
