LUJKOV MƏKTƏBLİLƏRİ TOLERANTLIĞA ÇAĞIRMIŞDIR

08.11.2006 [22:41]
Çap et
A⁺ A^-

AZƏRTAC “Novosti” agentliyinə istinadla xəbər verir ki, Moskva meri Yuri Lujkov Rusiya paytaxtının məktəblilərini tolerantlıq və millətlərarası dözümlülük prinsiplərini əxz etməyə çağırmışdır. Y.Lujkov bunu Moskva hökumətinin icra hakimiyyəti orqanlarının millətlərarası münasibətlər sahəsində fəaliyyətində səmərəliliyin artırılmasına həsr olunmuş iclasında bildirmişdir. O, məktəblərdə dinin tədrisi ilə bağlı eksperimentlərə toxunaraq demişdir ki, konfessiyaların bərabərliyini və kilsənin dövlətdən ayrı olduğunu elan etmiş bir ölkədə konfessiyalardan birinə üstünlük verilməməlidir.

Mer, eyni zamanda, bu eksperimentlər zamanı din xadimlərinin məktəblilərə öz mədəniyyətlərindən danışmasının əhəmiyyətini də diqqətə çatdırmışdır. Lujkovun sözlərinə görə, bu məruzələr sayəsində pravoslav konfessiyasından olan uşaqlar islama və yəhudiliyə daha yaxşı münasibət bəsləməyə başlamışlar.

Moskva meri bildirmişdir ki, hazırda Rusiya paytaxtında 147 milli diaspor fəaliyyət göstərir. O demişdir: “Yalnız tolerantlıq, sülh mədəniyyəti, qarşılıqlı fəaliyyət, ehtiram və bərabərlik başlıca prinsiplərdir. Başqa prinsiplər olmamalıdır”.

LUJKOV MƏKTƏBLİLƏRİ TOLERANTLIĞA ÇAĞIRMIŞDIR

MÜƏLLİFLƏ ƏLAQƏ

Bölmənin digər xəbərləri