Macarıstanın mülki hava donanması yay mövsümünə hazırdır
Budapeşt, 21 iyun, AZƏRTAC
Hava hərəkətinin idarə edilməsi şirkəti olan “Hungaro Control” tətil riskini azaltmaqla yanaşı, daha bir rekord yay mövsümündən əvvəl tutum qabiliyyətini və səmərəliliyi təmin etmək üçün bir sıra profilaktiki addımlar atdığını bildirib.
AZƏRTAC MTI xəbər agentliyinə istinadla xəbər verir ki, baş direktor Ferens Turi bildirib ki, şirkət həmkarlar ittifaqları ilə əməkhaqqının artırılması, rəqabətədavamlı maaşların təmin edilməsi ilə bağlı razılığa gəlib.
O əlavə edib ki, “Hungaro Control” aviadispetçerlərinin sayı 10 faizdən çox artıb.
Yanvar-aprel aylarında “Hungaro Control” nəzarətçiləri Macarıstanın hava məkanında 327 mindən çox təyyarəni idarə ediblər ki, bu da baza dövründən təxminən 7 faiz çoxdur. Bu il marşrut üzrə uçuşların sayının 8-12 faiz, Ferens List Beynəlxalq Hava Limanında uçuş və enişlərin sayının isə 10-15 faiz artacağı gözlənilir.
“Hungaro Control” aviareyslərin gecikməsinin sayını azaltmaq üçün bütün mümkün tədbirləri görür.
Vüqar Seyidov
AZƏRTAC-ın xüsusi müxbiri
Budapeşt
Bölmənin digər xəbərləri
