MAHMUD ABBAS BEYT-HANUN HADİSƏLƏRİNİ DƏHŞƏTLİ QƏTLİAM ADLANDIRMIŞDIR

08.11.2006 [22:54]
Çap et
A⁺ A^-

AZƏRTAC-ın İTAR TASS-dan aldığı xəbərə görə, Fələstin Milli Muxtariyyətinin başçısı Mahmud Abbas Beyt-Hanundakı hadisələri dəhşətli qətliam adlandıraraq, fələstinliləri vəhşi təcavüzdən qorumaq üçün baş nazir İsmail Xaniənin BMT Təhlükəsizlik Şurasının iclasının təcili çağırılması tələbinə qoşulmuşdur. Muxtariyyətin başçısı İsrailin Qəzzə bölməsində törətdiyi hərbi cinayətlərin beynəlxalq miqyasda araşdırılmasına çağırmışdır.

İsrail rəhbərliyi də baş vermiş faciədən narahatlıq keçirir. Müdafiə naziri Amir Peres Fələstin ərazilərinin artilleriya atəşinə tutulmasını dayandırmaq və araşdırma aparmaq barəsində göstəriş vermişdir. Beyt-Hanunda dinc sakinlərin məhvinə İsrail artilleriyaçılarının “texniki səhvinin” səbəb olduğu da istisna deyildir. Son məlumata görə, atışma zamanı 23 nəfər həlak olmuş, 30-dan çox adam yaralanmışdır. Ölənlər və yaralananlar arasında uşaqlar və qadınlar da var. İsrailin hakimiyyət orqanları Fələstin xəstəxanalarına ilk dəfə yardım təklif etmişlər.

Knessetin (parlament) ərəb partiyaları blokundan deputatı Əhməd ət-Tayyibi bu hadisələrlə əlaqədar müdafiə naziri Peresin istefasını tələb etmiş, Qəzzənin dinc əhalisi əleyhinə cinayətlərə görə onun məsuliyyət daşıdığını bildirmişdir.

MAHMUD ABBAS BEYT-HANUN HADİSƏLƏRİNİ DƏHŞƏTLİ QƏTLİAM ADLANDIRMIŞDIR

MÜƏLLİFLƏ ƏLAQƏ

Bölmənin digər xəbərləri