Mahmut Arslan: Qarabağ Zəfəri dünya tarixində yeni bir səhifənin açılması deməkdir
Bakı, 14 yanvar, AZƏRTAC
Qarabağ müharibəsində qazanılan Zəfər bütün dünyaya verilən bir mesajdır. Otuz ilə yaxın işğalda olan torpaqların 44 günə azad edilməsi görünməmiş bir hadisədir. Təkcə Şuşa əməliyyatının özü dünya hərb tarixinə qızıl hərflərlə yazıldı. Düşünürəm ki, bu, dünya tarixində yeni bir səhifənin açılması deməkdir. İllərlə sürən münaqişələr var ki, hələ də öz həllini tapmayıb.
AZƏRTAC xəbər verir ki, bu fikirləri Türkiyə Hak-İş Birliyinin sədri Mahmut Arslan yanvarın 14-də Azərbaycan Həmkarlar İttifaqları Konfederasiyasında keçirilən görüşdə deyib.
Vətən müharibəsinin bir çox mətləbləri anlatdığını diqqətə çatdıran Mahmut Arslan vurğulayıb ki, Azərbaycan xalqı şərəfli və qürurlu dövrünü yaşayır. Türkiyəli qonaq bildirib ki, biz Türkiyə həmkarlar ittifaqı olaraq Qarabağda aparılan bərpa və quruculuq işlərinə dəstək vermək üçün buradayıq.
Azərbaycan və Türkiyə həmkarlar təşkilatları arasında əlaqələrin genişləndirilməsinin əhəmiyyətindən danışan Mahmut Arslan əməkdaşlığımızın uğurla davam etdiyini və daha da dərinləşəcəyini vurğulayıb.
Bölmənin digər xəbərləri
