MAKDERMOTT ŞİRKƏTİ ƏMƏKDAŞLARININ 70 FAİZİNDƏN ÇOXU AZƏRBAYCANLILARDIR
“Şelflayihətikinti” İstehsalat Birliyində çalışan MakDermott şirkəti əməkdaşlarının 70 faizindən çoxu Azərbaycanın ixtisaslı fəhlə və mütəxəssislərdən ibarətdir. Tammiqyaslı İşlənmə Layihəsinin (TİL) 1-ci Fazası çərçivəsində ABƏŞ-in podradçıları tərəfindən işə götürülən yerli sakinlərin sayına görə MakDermott birinci yerdədir.
TİL-in 1-ci Fazası çərçivəsində üst tikililərin inşası üzrə ABƏŞ ilə bağlanmış müqavilənin şərtlərinə görə, hazırda MakDermott şirkətində 600-dən çox adam işləyir ki, onların 150 nəfərindən çoxu layihənin rəhbərliyində çalışır. Üst tikililərin inşasına cəlb olunmuş işçilərin sayı qarşıdakı 6-8 ayda 900 nəfərə çatdırılacaqdır. MakDermott şirkəti 1-ci Farza çərçivəsində boru kəmərlərinin çəkilməsi üçün dənizdə işlər şöbəsinə də təxminən 250 nəfər qəbul edəcəkdir.
2001-ci ildən başlayaraq şirkət 150-dən çox azərbaycanlı qaynaqçıni işə götürmüşdür. Onlar həm Bakıda, həm də MakDermottun Dubaydakı istehsal sahəsində təlim keçmişlər. Mütəxəssislərin təlim proqramına uyğun olaraq, hazırda daha 110 azərbaycanlı qaynaqçı öz ixtisasını təkmilləşdirir. Bu müddətdə onlar tam məbləğdə əmək haqqı alırlar. Indi şirkət qaynaqçı vəzifəsinə yeni namizədlərlə müsahibə aparır. Sentyabrda isə daha 200 qaynaqçı və 200 quraşdırıcı ilə müsahibə keçiriləcəkdir.
Bölmənin digər xəbərləri
