Marina Durunda Bakıda keçiriləcək bədii gimnastika üzrə dünya kubokunda iştirak etməyəcək
Bakı, 25 aprel, AZƏRTAC
Azərbaycan gimnastı Marina Durunda zədə səbəbi ilə Bakıda keçiriləcək bədii gimnastika üzrə dünya kuboku yarışlarında iştirak etməyəcək.
AZƏRTAC Azərbaycan Gimnastika Federasiyasına istinadla xəbər verir ki, bunu bədii gimnastika üzrə milli komandamızın baş məşqçisi Mariana Vasileva deyib.
Milli komandamızın lideri bir müddət əvvəl Fransada keçirilən Qran-pridə məşq zamanı əlindən zədə alıb.
“Gimnastın səhhəti sağalmağa doğru gedir, lakin qərara gəldik ki, onu mayda Bakıda keçiriləcək IV İslam Həmrəyliyi Oyunları və Macarıstanda baş tutacaq Avropa çempionatınadək qoruyaq”, - deyə Mariana Vasileva əlavə edib.
Yarışda Marina Durundanı istedadlı gimnast Zöhrə Ağamirova əvəz edəcək.
Bölmənin digər xəbərləri
