Mariya Zaxarova: Rusiya regional kommunikasiyaların açılması üzrə proseslərə dəstək verməyə hazırdır
Moskva, 9 noyabr, AZƏRTAC
Cənubi Qafqazda kommunikasiyaların açılması üzrə Üçtərəfli işçi qrup 12 iclas keçirib.
AZƏRTAC xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib.
“Bu proses Bakı və İrəvan arasındakı münasibətlərin normallaşdırılmasında ən vacib rol oynayır, sabitləşməyə, bütün Cənubi Qafqazın tranzit-logistik potensialının açılmasına kömək edir”, - deyə o vurğulayıb.
Zaxarova, həmçinin qeyd edib ki, bütün tərəflər üçün əlverişli olan paket həllinə sıx yaxınlaşmağa nail olunub. Rusiya həmişəki kimi, regional kommunikasiyaların açılması üzrə proseslərə, o cümlədən yüksək səviyyədə üçtərəfli bəyanatların müddəalarına əsasən dəstək verməyə hazırdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
