MARNEULİ RAYONUNDAN 22 SOYDAŞIMIZ TƏLƏBƏ ADINI QAZANMIŞDIR
Marneuli Rayon Təhsil-Resurs Mərkəzinin rəhbəri Kamandar İsmayılov AZƏRTAC-ın xüsusi müxbirinə demişdir ki, Gürcüstanın ali məktəblərinə qəbul imtahanlarında soydaşlarımız da fəal iştirak etmişlər.
Rayonun orta məktəblərini bitirmiş şagirdlərdən 252 nəfəri Gürcüstanın ali təhsil müəssisələrinə daxil olmaq üçün vahid milli imtahanlarda sınaqdan keçmişlər. Son məlumata görə, 56 abituriyent tələbə adını qazanmışdır. Onlardan 22 nəfəri azərbaycanlıdır. Soydaşlarımız Gürcüstanın ən nüfuzlu ali məktəbləri də daxil olmaqla, müxtəlif təhsil ocaqlarında ixtisaslara yiyələnəcəklər.
Bölmənin digər xəbərləri
