MASALLIDA QARDAŞ QARDAŞI QƏTLƏ YETİRMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Masallı rayonunun İsgəndərli kənd sakini Kazım Abdullayev ailə münaqişəsi zəminində qardaşı Elxana bıçaqla xəsarət yetirmişdir. Xəsarətlə xəstəxanaya yerləşdirilmiş Elxanın həyatını xilas etmək mümkün olmamışdır.
Qatil Masallı Rayon Polis Şöbəsi əməkdaşlarının keçirdikləri əməliyyat tədbirləri nəticəsində tutulmuşdur.
Füzuli rayonunun Zərgər kəndində, kənd sakini Xəlil Babaşov ov edən zaman tüfənglə ehtiyatsız davrandığından açdığı atəşlə həmkəndlisi Xəyyam Qəhrəmanova xəsarət yetirmişdir. X.Qəhrəmanov aldığı xəsarətdən ölmüşdür.
Hər iki faktla bağlı cinayət işləri açılmışdır, araşdırmalar aparılır.
Bölmənin digər xəbərləri
