Matyaj Kek: Azərbaycana qarşı yoldaşlıq görüşü irəliyə addım atmaq baxımından vacibdir
Bakı, 3 noyabr, AZƏRTAC
Futbol üzrə Sloveniya millisinin baş məşqçisi Matyaj Kek Azərbaycan millisi ilə keçirəcəkləri yoldaşlıq oyunu ərəfəsində açıqlama verib.
AZƏRTAC xəbər verir ki, təcrübəli mütəxəssis yığmamızla görüşün vacib olduğunu söyləyib: “Hazırkı vəziyyətimizi yaxşılaşdırmalıyıq. Noyabrdakı matçlar bizim üçün yaxşı fürsətdir. Azərbaycana qarşı yoldaşlıq görüşü irəliyə addım atmaq baxımından vacibdir”.
Mütəxəssis bildirib ki, qarşıda 3 matç olduğu üçün geniş heyətə ehtiyacımız var: “Bu, keyfiyyətli oyunu təmin etmək üçün çox vacibdir. Sürətli hücumlar zamanı hər şey qaydasında olur. Tempi aşağı saldıqda isə problem yaşanır”.
Qeyd edək ki, noyabrın 11-də keçiriləcək Sloveniya - Azərbaycan görüşü Bakı vaxtı ilə saat 23:45-də başlayacaq.
Bölmənin digər xəbərləri
