MDB ekspertləri Ümumi əmək bazarının mərhələli şəkildə formalaşdırılması Konsepsiyasını müzakirə ediblər
Bakı, 23 fevral, AZƏRTAC
Müstəqil Dövlətlər Birliyinin (MDB) mənzil-qərargahında Ümumi əmək bazarının mərhələli şəkildə formalaşdırılması və MDB-yə üzv ölkələrin işçi qüvvəsinin miqrasiyasının nizamlanması Konsepsiyasının, həmçinin MDB İqtisadi Şurasının bu məsələyə dair Qərarının layihələrinin razılaşdırılması üzrə ekspert qrupunun iclası keçirilib.
Sənədlərin layihələrinə dövlətlərdən daxil olan qeyd və təkliflər ekspertlər tərəfindən müzakirə olunub, mətnlərə bir sıra əlavələr edilib, dəqiqləşdirmələr aparılıb. Ekspertlər bu layihələr üzərində işi davam etdirməyi qərara alıblar.
AZƏRTAC MDB-nin İcraiyyə Komitəsinin mətbuat xidmətinə istinadla xəbər verir ki, bununla bağlı ekspert qrupunun növbəti iclasının cari ilin aprelində keçirilməsi razılaşdırılıb.
Yenilənmiş Konsepsiya və İqtisadi Şuranın Qərarı layihələri 2022-ci ilin sentyabrında MDB-yə üzv ölkələrin əhalisinin əmək, məşğulluq və sosial müdafiəsi üzrə Məşvərət Şurası tərəfindən bəyənilib.
Bölmənin digər xəbərləri
