MDB MÜŞAHİDƏÇİLƏRİ TACİKİSTANDA PREZİDENT SEÇKİLƏRİNİN AZAD, AÇIQ VƏ ŞƏFFAF KEÇDİYİNİ BİLDİRİRLƏR
Müşahidəçilərin noyabrın 7-də Düşənbədə yayılmış bəyanatında deyilir ki, seçkilər ölkədə qüvvədə olan seçki qanunvericiliyinin normalarına müvafiq surətdə və seçicilərin yüksək fəallığı şəraitində keçmişdir.
MDB müşahidəçilərinin fikrincə, seçki komissiyaları seçkilər keçirilərkən Tacikistan vətəndaşlarının seçki hüquqlarının gerçəkləşdirilməsini və müdafiəsini təmin etmişlər. Onlar vurğulamışlar ki, seçki kampaniyası prosesindəki ayrı-ayrı pozuntu və nöqsanlar, əsasən, texniki xarakter daşımış və seçicilərin öz iradəsini azad ifadə etməsinə və səsvermənin yekunlarına əhəmiyyətli dərəcədə təsir göstərməmişdir.
MDB İcraiyyə Komitəsinin sədri Vladimir Ruşaylo Düşənbədə mətbuat konfransında bildirmişdir ki, MDB-dən olan müşahidəçilər missiyasının tərkibində 236 nəfər akkreditə olunmuşdu. Onlar Azərbaycan, Belarus, Qazaxıstan, Qırğızıstan, Ermənistan, Özbəkistan, Rusiya, Türkmənistan və Ukraynanın qanunverici, icra və seçki orqanlarını təmsil edirdilər.
Bölmənin digər xəbərləri
