MƏDƏNİYYƏT NAZİRLİYİ MƏTBUAT XİDMƏTİNİN MƏLUMATI
Mayın 10-da İsveçrənin Montrö şəhərində mədəniyyət nazirlərinin keçid dövründə mədəniyyət siyasəti və beynəlxalq əməkdaşlıq məsələlərinə həsr olunmuş görüşü açılmışdır. Avropa Şurası tərəfindən təşkil olunmuş görüşdə Azərbaycan, Gürcüstan, Ermənistan , Türkiyə və Ukraynanın mədəniyyət nazirləri, Rusiya mədəniyyət nazirinin müavini iştirak edirlər.
Respublikamızın mədəniyyət naziri Polad Bülbüloğlu ilk iclasda çıxış edərək, Ermənistanın silahlı qüvvələri tərəfindən işğal olunmuş ərazilərdə dağıdılmış tarix və mədəniyyət abidələrinin gələcək taleyi barədə məsələ qaldırmış, habelə ölkəmizin mədəniyyət siyasətindəki yeni ənənələrdən, bu sahədə gedən proseslərdən, milli mədəniyyətin inkişafı ilə bağlı strateji proqramın hazırlanmasından danışmışdır.
Görüşdə Azərbaycanın Avropa Şurası yanında diplomatik nümayəndəsi, səfir Aqşin Mehdiyev və Milli Məclisin deputatı, Avropa Şurası Parlament Assambleyasının mədəniyyət, elm və təhsil komitəsinin üzvü Əli Abbasov da iştirak edirlər.
Bölmənin digər xəbərləri
