Mədəniyyət və turizm naziri Şirvan şəhərində vətəndaşları qəbul edəcəkdir
Bakı, 8 noyabr (AZƏRTAC). Azərbaycan Respublikasının mədəniyyət və turizm naziri Əbülfəs Qarayev noyabrın 18-də, saat 11:00-da Şirvan şəhər Mərkəzi Mədəniyyət Evində (G.Şıxbalaoğlu küçəsi) Şirvan şəhərindən, Saatlı, Sabirabad, Hacıqabul, İmişli, Beyləqan, Xocavənd, Zərdab, Ağcabədi, Laçın və Füzuli rayonlarından olan vətəndaşların qəbulunu keçirəcəkdir.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, vətəndaşlar nazirliyin [email protected] elektron poçt ünvanı, e-services. mct.gov.az elektron xidmətlər saytı, telefon məlumat sistemi (qaynar xətt: 147) və ya (012) 493-55-21 nömrəli telefon vasitəsilə (əlaqələndirici şəxs Pərviz İsgəndərli) qəbula yazıla bilərlər.
Qəbula gəlmək istəyən vətəndaşların həmçinin adları yuxarıda qeyd olunmuş şəhər (rayon) mədəniyyət və turizm şöbələri ilə (şənbə və bazar günləri də daxil olmaqla) əlaqə saxlamaları xahiş olunur.
Bölmənin digər xəbərləri
