MƏDƏNİYYƏT VƏ TURİZM NAZİRLİYİNDƏ TELEVİZİYA ŞİRKƏTLƏRİNİN NÜMAYƏNDƏLƏRİ İLƏ GÖRÜŞ
Görüşün piratçılığa qarşı mübarizə və filmlərin leqallaşdırılması məqsədilə keçirildiyini vurğulayan nazir Əbülfəs Qarayev bildirmişdir ki, dünyanın sivil kino aləminə daxil olmağın mühüm və vacib şərtlərindən biri müxtəlif yaradıcı təşkilatlarda istehsal olunmuş filmlərin dövlət reyestrində qeydiyyata alınaraq leqallaşdırılmasıdır. Bu sahədə birgə əməkdaşlığın müsbət nəticəsinə inandığını diqqətə çatdıran nazir qeyd etmişdir ki, müzakirə olunan məsələdə televiziya şirkətləri nümunə göstərməli, lisenziyası olmayan və yaxud dövlət reyestrindən keçməyən filmlərin nümayişinə yol verməməlidirlər.
Tədbirdə “Lider” telekanalının və AzTV–nin nümayəndələri bildirmişlər ki, onlar bu sahədə ilk addım ataraq 2007-ci il yanvarın 1-dən həmin layihəni həyata keçirməyə başlayacaqlar. Digər telekanalların nümayəndələri də həmkarlarının təşəbbüsünə qoşularaq nümayiş etdirəcəkləri filmlərin gələn ilin mart ayına qədər leqallaşdırılmasına səy göstərəcəklərini vəd etmişlər.
Görüşdə Azərbaycanda film bazarının leqallaşdırılması ilə bağlı geniş fikir mübadiləsi aparılmışdır.
Bölmənin digər xəbərləri
