MƏHSULDARLIQ ARTMIŞDIR
Bu il əlverişsiz keçən hava şəraitinin törətdiyi çətinliklərə baxmayaraq Ağsu rayonunun pambıqçılıqla məşğul olan torpaq mülkiyyətçiləri 1213 hektar sahədə yaxşı məhsul yetişdirməyə nail olmuşlar. Yığıma mütəşəkkil hazırlıqla başlayan sahibkarlar indi məhsulun son qozasınadək toplanıb emal müəssisələrinə satılması üçün ciddi səy göstərirlər. Rayon icra hakimiyyətinin aqrar şöbəsindən AZƏRTAC-ın müxbirinə bildirmişlər ki, indiyədək sahələrdən 1493 ton pambıq tədarük edilmişdir. Hər hektarın məhsuldarlığı ötən ildəkindən iki sentner çoxdur. Pambıqçılıqla daha çox məşğul olunan Bozavand, Çaparlı, Gəgəli və bir sıra digər kəndlərdə daha yaxşı nəticələr qazanılmışdır.
Bölmənin digər xəbərləri
