MEK əməkdaşının yeni kitabı oxuculara təqdim olunub
Bakı, 7 sentyabr, AZƏRTAC
Azərbaycan Milli Elmlər Akademiyası Mərkəzi Elmi Kitabxanasının (MEK) İnnovativ layihələr və metodik təminat şöbəsinin əməkdaşı, yazıçı-publisist Pərvanə Bayramqızının “Səni özünə döndərənlər” kitabı işıq üzü görüb.
Bu barədə AZƏRTAC-a MEK-dən məlumat verilib.
Yazıçının fərqli ədəbi nümunələrlə zəngin olan yeddinci kitabı cəmiyyətdə baş verən dəyişikləri, sosial problemləri, yaxşılıq-pislik mövzusunda yazdığı esselərdə şahidi olduğumuz prosesləri, mənəvi boşluqları, müxtəlif tip insanların fərqli xüsusiyyətlərini özünəməxsus formada göstərib. Mətnlər bugünün ab-havasını hiss etdirir, təzadlı yaşantıları söz vasitəsilə canlandırır. İnsanın mənəvi dünyasına nüfuz edən yazıçı onu bütün incəliklərinədək təhlil edir. Mövzular “Əzəli və əbədi güc”, “Ədəbi fikirlər”, “İki vətəndən biri”, “AYNA” və başqa bölmələrə ayrılıb. Süni intellekt vasitəsilə mətnlərin ümumi məzmununu əhatə edən rəsmlər hazırlanıb.
Kitabda müxtəlif sahələrdə fəaliyyət göstərən tanınmış ziyalılarla müsahibələr də yer alıb.
Bölmənin digər xəbərləri
