MƏKKƏ VƏ MƏDİNƏYƏ ZİYARƏTƏ GEDƏN RUSİYA ZƏVVARLARININ SAYI ARTIR

22.09.2004 [13:54]
Çap et
A⁺ A^-

2005-ci ildə Məkkə və Mədinəyə ziyarətə gedəcək Rusiya zəvvarlarının sayı 2004-cü illə müqayisədə 3 min nəfər artaraq, təxminən 9 minə çatacaqdır. AZƏRTAC xəbər verir ki, bunu Rusiya Federasiyası hökuməti yanında dini birliklərin məsələləri üzrə komissiyası Həcc Şurasının müvəkkili Əhməd Bilalov Moskvada mətbuat konfransında bildirmişdir. O demişdir: ”Bir neçə gün əvvəl biz Səudiyyə Ərəbistanında olduq və məlikliyin Həcc İşləri Nazirliyi ilə saziş imzaladıq”.

Ə.Bilalovun sözlərinə görə,3 mindən artıq Rusiya müsəlmanı müqəddəs yerlərə təyyarələrlə gedəcəkdir. Mahaçqala, Vladiqafqaz, Kazan və Moskva şəhərlərindən birbaşa çarter reyslərinin təşkil olunması barədə ilkin razılıq əldə edilmişdir. Qalan zəvvarlar isə Səudiyyə Ərəbistanına avtobuslar, yaxud avtomobillərlə gedə bilərlər. Bu il yolun İraqdan keçməsini istisna edən daha təhlükəsiz marşrut seçilmişdir. Zəvvarlar Mədinəyə əsasən, Dağıstandan yola düşəcək və Azərbaycan, İran, Türkiyə, Suriya, İordaniya ərazilərindən keçəcəklər.

MƏKKƏ VƏ MƏDİNƏYƏ ZİYARƏTƏ GEDƏN RUSİYA ZƏVVARLARININ SAYI ARTIR

MÜƏLLİFLƏ ƏLAQƏ

Bölmənin digər xəbərləri