Məktəb inspektoru vakansiyası üzrə müsabiqənin yazılı imtahan mərhələsinin nəticələri açıqlanıb
Bakı, 29 noyabr, AZƏRTAC
“Məktəblərdə keyfiyyət inspeksiyası” layihəsi çərçivəsində məktəb inspektoru vakansiyası üzrə müsabiqənin yazılı imtahan mərhələsinin nəticələri açıqlanıb.
Təhsildə Keyfiyyət Təminatı Agentliyindən AZƏRTAC-a verilən məlumata görə, vakansiya üzrə 592 namizəd müraciət edib. Onlardan tələblərə uyğun olan 206 nəfər imtahana dəvət edilib, 146 namizəd imtahanda iştirak edib. İmtahanda iştirak edən namizədlərdən 83 nəfəri yazılı imtahan mərhələsini uğurla keçərək növbəti müsahibə mərhələsində iştirak etmək hüququ qazanıb.
İmtahanda namizədlərə pedaqogika və metodika, tənqidi oxu bacarığı, təhsil və idarəetmə, qanunvericilik, riyazi məntiq üzrə hər birindən 10 sual olmaqla ümumilikdə 40 test tapşırığı təqdim edilib. Bundan başqa, yazı bacarığının yoxlanılması üçün namizədlər onlara təqdim olunan iki mövzudan biri üzrə esse yazıblar.
Bölmənin digər xəbərləri
