“MƏKTƏBLƏRİN İNFORMASİYA VƏ KOMMUNİKASİYA TEXNOLOGİYALARI İLƏ TƏMİNATI” LAYİHƏSİ HƏYATA KEÇİRİLİR

03.10.2006 [11:44]
Çap et
A⁺ A^-

Təhsil Nazirliyindən AZƏRTAC-a bildirmişlər ki, ötən il Azərbaycan hökuməti ilə BMT-nin İnkişaf Proqramı arasında “Məktəblərin informasiya və kommunikasiya texnologiyaları ilə təminatı” layihəsi üzrə saziş imzalanmışdır. İcrasına 2005-ci ilin noyabrından başlanılmış və 14 ay müddətində reallaşdırılacaq layihənin dəyəri 1,3 milyon ABŞ dollarıdır. Bu məbləğin 1 milyon dolları Azərbaycanın payına düşür.

Layihədən məqsəd 2005-2007-ci illəri əhatə edən “Azərbaycan Respublikasında ümumtəhsil məktəblərinin informasiya və kommunikasiya texnologiyaları ilə təminatı Proqramı”nın həyata keçirilməsinə yardım göstərmək, yeni informasiya texnologiyalarından istifadə yolu ilə təhsilin keyfiyyətini yüksəltməyə, bütün pillə və səviyyələrdə vətəndaşlara təhsil almağa imkan vermək, ölkə təhsil sisteminin dünya təhsil sisteminə inteqrasiyasına şərait yaradan vahid təhsil informasiya mühiti formalaşdırmaq və əhalini informasiyalaşdırılmış cəmiyyətə hazırlamaqdır.

“MƏKTƏBLƏRİN İNFORMASİYA VƏ KOMMUNİKASİYA TEXNOLOGİYALARI İLƏ TƏMİNATI” LAYİHƏSİ HƏYATA KEÇİRİLİR

MÜƏLLİFLƏ ƏLAQƏ

Bölmənin digər xəbərləri