MƏKTƏBLİLƏR ARASINDA 22-Cİ SPARTAKİADANIN TƏNTƏNƏLİ AÇILIŞ MƏRASİMİ KEÇİRİLMİŞDİR
Bakı, 16 oktyabr (AZƏRTAC). Oktyabrın 16-da “Start” İdman və əyləncə kompleksində Bakı şəhəri məktəbliləri arasında 22-ci spartakiadanın təntənəli açılış mərasimi keçirilmişdir. Tədbirdə Gənclər və İdman Nazirliyinin sektor müdiri Mütalıb Həsənov, Bakı Şəhər Gənclər və İdman Baş İdarəsinin rəis müavini Aydın Yusifov, Bakı Şəhər Təhsil İdarəsinin məsul işçisi Rövşən Əliyev idmançılara uğurlar arzulamışlar.
Açılışda stolüstü tennis, voleybol, dama, şahmat, dördnövçülük, mini-futbol, güllə atıcılığı və “Cırtdan” növləri üzrə keçirilmış 21-ci spartakiadanın yekun hesabatı dinlənilmişdir. Yarışların nəticələrinə əsasən qalib rayonların nümayəndələri diplom və kuboklarla mükafatlandırılmışlar. Ümumi hesabda Əzizbəyov rayonu 1-ci, Səbail rayonu 2-ci, Xətai rayonu 3-cü yerlərə layiq görülmüşlər.
2009-2010-cu tədris ilində Bakı şəhər məktəbliləri arasında keçiriləcək 22-ci spartakiadanın proqramına daxil olan idman növlərinin adları açıqlanmışdır. Belə ki, 21-ci spartakiadada 8 idman növü üzrə 10 yarış keçirildiyi halda, 22-ci spartakiadada basketbol idman növü əlavə olunaraq keçiriləcək turnirlərin sayı 12-yə çatdırılmışdır. Noyabrda ilk yarışın dama üzrə keçirilməsi nəzərdə tutulur.
######
 |
 |
Bölmənin digər xəbərləri
