İQTİSADİYYAT
MƏLUMAT
İqtisadi İnkişaf Nazirliyində “Əhalinin və iqtisadiyyatın elektrik enerjisi ilə təminatını yaxşılaşdırmaq məqsədi ilə elektroenergetika sənayesinin perspektiv inkişafına dair Proqram”ın ilkin layihəsi hazırlanmışdır. Ölkə iqtisadiyyatının ahəngdar işləməsində və inkişafında, habelə əhalinin sosial və məişət məsələlərinin həll edilməsində müstəsna rol oynayan elektroenergetika sisteminin 2002-2010-ci illərdə inkişaf strategiyası və onun həyata keçirilməsi haqqında konseptual sənəd olan bu proqramın başlıca məqsədi elektroenergetika sahəsində islahatların əsas istiqamətlərinin müəyyənləşdirilməsi, enerjinin istehsalı və istehlakı proseslərində qənaət rejiminin formalaşdırılması, energetika kompleksinin ölkə büdcəsinin maliyyə tələblərini ödəməklə yanaşı, valyuta gətirən mənbəyə çevrilməsi, elektrik enerjisi bazarının təkmilləşdirilməsidir.