MƏLUMAT
İqtisadi İnkişaf Nazirliyinin mütəxəssisləri “Azərbaycan Respublikasının 2002-ci il dövlət büdcəsi haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 26 dekabr 2001-ci il il tarixli Fərmanının icrası ilə əlaqədar iqtisadiyyatın qeyri-neft bölməsinin inkişafını sürətləndirmək məqsədi ilə “Azərbaycan Respublikasında 2002-2006-cı illərdə aqrar bölmənin inkişafına dair Dövlət Proqramı”nın layihəsinin hazırlanmasını başa çatdırmışlar.
Proqram aqrar bölmənin inkişaf etdirilməsi, torpaqların münbitliyinin artırılması, rəqabətqabiliyyətli məhsul istehsalının təmin edilməsi və istehsalçıların ixrac fəaliyyətinin stimullaşdırılması, emal və yeyinti sənayesinin xammala və əhalinin ərzaq məhsullarına olan tələbatının yerli mənbələr hesabına ödənilməsi məqsədini daşıyır. Aqrar siyasətin əsas prinsiplərini əhatə edən bu proqram ölkədə aqrar bölmədə zəruri strukturların yaradılması, maddi-texniki təchizatının möhkəmləndirilməsi, maliyyə vəziyyətinin yaxşılaşdırılması, kənd təsərrüfatında suvarma və meliorasiya təminatının bərpası və sairə istiqamətləri özündə əks etdirir.
Dövlət Proqramının hazırlanmasında aidiyyatı dövlət qurumlarının, mütəxəssislərin rəy və təklifləri nəzərə alınmışdır.
Proqramın həyata keçirilməsi aqrar bölmənin inkişafının sürətləndirilməsinə, ölkənin ərzaq təhlükəsizliyinin təmin edilməsinə, aqrar sahədə çalışanların həyat səviyyəsinin yüksəlməsinə imkan yaradacaqdır.
Bölmənin digər xəbərləri
