Mərkəzi Bankın qısamüddətli notlarının yerləşdirilməsi üzrə hərrac keçirilib
Bakı, 20 fevral, AZƏRTAC
Fevralın 20-də Bakı Fond Birjasında (BFB) Azərbaycan Mərkəzi Bankının (AMB) 50100873S dövlət qeydiyyat nömrəli, 3000 milyon manat həcmində, 27 gün tədavül müddətli qısamüddətli notlarının yerləşdirilməsi üzrə hərrac keçirilib.
BFB-dən AZƏRTAC-a bildirilib ki, hərrac zamanı 15 investor tərəfindən qiyməti 99.4588 AZN (7,26 faiz) olan 28 sifariş təqdim edilib. Sifarişlərin nominal qiymətlə ümumi məbləği 757 milyon 307 min 500 AZN olub.
AMB-nin qərarına əsasən, istiqrazların kəsmə qiyməti 99.4588 AZN (7,26 faiz), orta ölçülmüş qiyməti 99.4588 AZN (7,26 faiz) müəyyən edilib. Hərrac nəticəsində istiqrazların yerləşdirilmiş həcmi 300 milyon AZN təşkil edib. Notların ödəmə tarixi martın 19-dadır.
Bölmənin digər xəbərləri
