Məşqçi Ceyhun Hüseynov: Azərbaycanda atletikaya maraq ildən-ilə artır
Bakı, 9 fevral, AZƏRTAC
Sevindirici haldır ki, Azərbaycanda yeniyetmə atletlərin sayı ildən-ilə artır.
Bunu AZƏRTAC-a müsahibəsində Respublika Olimpiya Mərkəzində keçirilən yeniyetmələr arasında Azərbaycan birinciliyinin direktoru, Əməkdar məşqçi Ceyhun Hüseynov deyib.
C.Hüseynov 2003-2004-cü il təvəllüdlü atletlər arasında Azərbaycan birinciliyində 9 komandanın heyətində 95 idmançının qatıldığını vurğulayaraq bildirib: “Belə yarışlar Azərbaycanda atletikanın inkişafında böyük rol oynayır. Yeniyetmələr arasında keçirilən bu yarışlar atletlərimizin inkişafına şərait yaradır. Azərbaycan birinciliyində paytaxt klublarından əlavə, Xızı, Gəncə və Bərdə idmançıları da iştirak ediblər. Bu, sübut edir ki, atletikaya təkcə paytaxtda deyil, regionlarda da böyük maraq var. Azərbaycan Atletika Federasiyası idmanın bu növü ilə məşğul olmaq istəyənlər üçün hər cür şərait yaradır, ölkəmizdə atletikanın kütləviliyini artırmağa çalışır.
Bölmənin digər xəbərləri
