MESXETİ TÜRKLƏRİNİN VƏTƏNƏ QAYTARILMASI MƏSƏLƏSİ DİQQƏT MƏRKƏZİNDƏDİR

15.10.2004 [13:12]
Çap et
A⁺ A^-

AZƏRTAC-ın xüsusi müxbiri xəbər verir ki, 1999-cu ilin yanvarında Gürcüstan Avropa Şurasına qəbul edilərkən üzərinə götürdüyü öhdəliklərdən biri də ötən əsrin 40-cı illərində buradan sürgün olunmuş Mesxeti türklərinin vətənə qayıtmasına icazə verməsi olmuşdur. Həmin öhdəliyə əsasən, Mesxeti türklərinin repatriasiyasına 2001-ci ildə başlanacaqdı. Lakin sonra Gürcüstan tərəfinin təklifi nəzərə alınaraq, bu müddət iki il uzadılmışdır.

Gürcüstan parlamentinin insan hüquqları müdafiəsi komitəsinin sədri Yelena Tevdoradze həmin məsələ ilə əlaqədar bildirmişdir ki, qanun layihəsində hazırda vətəndən kənarda nə qədər Mesxeti türkü olduğu göstərilməlidir. Azərbaycan, Türkiyə hazırda həmin ölkələrdə vaxtilə Gürcüstandan sürgün edilmiş çoxsaylı Mesxeti türklərinin yaşadığını bildirirlər. Bizdə olan məlumata görə, 15 min Mesxet türkü Gürcüstana qayıtmaq istəyir.

Bu günlərdə Gürcüstan parlamentinin nümayəndə heyəti Strasburqda olarkən həmin problem yenə də qaldırılmışdır. Parlamentin sədri Nino Burcanadzenin Avropa Şurasının baş katibi Terri Devislə görüşündə üzvülük haqqının ödənilməsi və Mesxeti türklərinin bu məsələsi müzakirə olunmuş, Terri Devis problemin həllinin vacibliyini vurğulamışdır.

MESXETİ TÜRKLƏRİNİN VƏTƏNƏ QAYTARILMASI MƏSƏLƏSİ DİQQƏT MƏRKƏZİNDƏDİR

MÜƏLLİFLƏ ƏLAQƏ

Bölmənin digər xəbərləri