MƏZUNLARLA GÖRÜŞ OLMUŞDUR
Bakı Dövlət Universitetində 2003-cü tədris ilinin məzunları ilə görüş keçirilmişdir. Universitetdən müxbirimizə bildirmişlər ki, rektor, MEA-nın müxbir üzvü Abel Məhərrəmov görüşü açaraq xalqımızın böyük oğlu, Prezident Heydər Əliyevin elm və təhsilimizin inkişafına xüsusi əhəmiyyət verdiyini bildirmişdir. Rəhbərlik etdiyi ali təhsil ocağında qazanılmış uğurlardan danışan natiq vurğulamışdır ki, cari tədris ilində bu universiteti 3 mindən çox tələbə bitirmiş, onlardan 8 yüzü fərqlənmə diplomuna layiq görülmüşdür. Milli Məclis sədrinin müavini Ziyafət Əsgərov, Təhsil nazirinin müavinləri İsgəndər İsgəndərov, Elmar Qasımov və başqaları məzunları təbrik edərək, onlara uğurlar arzulamışlar. Təhsildə fərqlənən məzunlara diplomlar təqdim olunmuşdur. Sonra incəsənət ustalarının ifasında maraqlı konsert proqramı nümayiş etdirilmişdir.
Bölmənin digər xəbərləri
