Migel Andres: Azərbaycan həmişə mənə doğma olaraq qalacaq
Bakı, 20 sentyabr, AZƏRTAC
Mən Azərbaycanda futzal üzrə milli komandada köməkçi məşqçi vəzifəsində çalışmışam. Bu səbəbdən Azərbaycan mənə həmişə yaxın ölkədir.
AZƏRTAC xəbər verir ki, bunu futzal üzrə Niderland millisinin baş məşqçisi Migel Andres Bakıda millimizə qarşı keçirilən qarşılaşmadan sonra mətbuat konfransında deyib.
Mütəxəssis rəqibi qələbə münasibətilə təbrik edib: “Daha yaxşı oyun nümayiş etdirə bilərdik. Məğlub olmağımıza baxmayaraq, futzalçılarımızdan narazı deyiləm. Bəzi məsələləri təhlil edərək aydınlaşdıracağıq”.
Andres yenidən Azərbaycanda işləmək ehtimalı haqqında da danışıb: “Ölkənizdə fəaliyyət göstərdiyim üçün çox məmnunam. Bura həmişə mənə doğma olaraq qalacaq. Lakin hələlik Niderland millisində işimi davam etdirəcəyəm”.
Bölmənin digər xəbərləri
