MİLLİ KONSERYATORİYADA YENİ İXTİSASLAR AÇILIR
Konservatoriyanın rektoru, əməkdar incəsənət xadimi Səyavuş Kərimi
AZƏRTAC-ın müxbirinə demişdir ki, indiyədək burada ancaq tar, kamança, xanəndəlik və kanon ixtisasları mövcud idi. Bu isə milli musiqinin inkişafında çətinliklər yaradırdı. 1 il yarım öncə Ilk qəbul başlayandan sonra alimlərimizin və musiqişünaslarımız Şəmkir, Gədəbəy və digər rayonlarda 70-90 yaşlı aşıqlarla, Aşıq Ələsgərin tələbələri ilə görüşdülər, onların folklorumuz, aşıq sənətimiz haqqında dəyərli məlumatlarını topladılar, çıxışlarını, video lentlərini çəkdilər. Bu gün Azərbaycan musiqisində mühüm yer tutan aşıq və saz sənətinin tədrisdə olmaması problem yaradır. Son vaxtlar milli musiqimizə təcavüzlər çoxalmışdır, ayrı-ayrı millətlər bir çox milli musiqilərimizi öz adlarına çıxırlar. Burada mən özümüzü günahlandırıram ki, biz vaxtında milli musiqimizin tədrisi ilə məşğul olmamışıq. Ona görə də bu ilin sentyabrından orta məktəblərdə, kolleclərdə təkcə saz sənəti deyil, aşıq-dastan, aşıq-vokal, milli estrada, milli simfoniya sənətlərinin qorunub saxlanması üçün onların tədrisinə başlanılması vacibdir. Bu sahədə artıq proqramlar, əyani dərs vəsaitləri hazırlanır. Cari ildən konservatoriyada Azərbaycan milli zərb və nəfəs alətləri, bəstəkarlıq ixtisasları verən kurslar açmışıq. Yeni tədris ilindən isə saz sənəti ixtisasını öyrədən kurs açılacaq.
Bölmənin digər xəbərləri
