MİLLİ MƏCLİSDƏ BOŞ QALMIŞ DEPUTAT YERLƏRİNƏ TƏKRAR SEÇKİLƏR MARTIN 5-DƏ KEÇİRİLƏCƏK
Martın 5-də parlamentdə boş qalmış deputat yerlərinə təkrar seçkilər keçiriləcək. Mərkəzi Seçki Komissiyasından AZƏRTAC-a bildirmişlər ki, 3 dairə üzrə keçiriləcək seçkilərdə 11 nəfər namizəd deputat mandatları uğrunda mübarizə aparacaqdır.
Seçicilər 14 saylı Qaradağ seçki dairəsində 5 nəfər, 69 saylı İsmayıllı dairəsində 3 nəfər, 91 saylı Xanlar-Daşkəsən dairəsində 3 nəfər namizədə səs verəcəklər. Seçkilərin şəffaf keçirilməsi üçün lazım olan bütün işlər başa çatdırılıb. Dairə və məntəqə seçki komissiyaları tam formalaşdırılmışdır. Seçki prosesini izləmək üçün yerli və xarici müşahidəçilərin iştirakı təmin olunacaqdır. Seçkilər səhər saat 8.00-dan axşam 20.00-dək davam edəcəkdir.
Bölmənin digər xəbərləri
