MİLLİ MƏCLİSDƏ GÖRÜŞ
Oqtay Əsədov, əvvəlcə, AŞPA-nın qış sessiyasında Azərbaycan parlament nümayəndə heyətinə göstərdiyi köməyə görə Eduard Lintnerə öz adından və Milli Məclis adından minnətdarlığını bildirmişdir. Sonra parlamentin sədri Azərbaycanda insan hüquqları və azadlıqlarının qorunması istiqamətində görülən işlər, qəbul olunmuş qanunlar, mayın 13-də Milli Məclisə təkrar seçkilərə hazırlıqla bağlı ətraflı məlumat vermiş, bu seçkilərin tam demokratik və şəffaf keçiriləcəyinə əminliyini ifadə etmişdir.
Eduard Lintner Azərbaycanda müşahidə etdiyi inkişafdan razı qaldığını və ölkədəki demokratik islahatların bundan sonra da davam etdiriləcəyinə ümidvar olduğunu bildirmişdir. O, may ayında keçiriləcək təkrar seçkilərin Azərbaycanın artan imicinə təsir göstərəcəyini vurğulamışdır.
Sonra görüşdə ölkəmizin Avropa strukturlarına inteqrasiyası, Milli Məclisə mayın 13-də keçiriləcək təkrar seçkilərə hazırlıq və bu seçkilərin əhəmiyyəti və digər məsələlər ətrafında geniş fikir mübadiləsi aparılmışdır.
Bölmənin digər xəbərləri
