MİLLİ MƏCLİSDƏ GÖRÜŞ
İyulun 16-da Milli Məclisdə Avropa Şurası Nazirlər Komitəsinin sədri, Lüksemburqun baş nazirinin müavini və xarici işlər naziri xanım Lidi Polfer Azərbaycan parlamentində təmsil olunmuş yeddi siyasi partiyanın nümayəndələri ilə görüşmüşdür.
Səmimilik şəraitində keçən görüşdə xanım Polfer ölkəmizdəki siyasi vəziyyətlə, Azərbaycan Konstitusiyasına dəyişikliklərlə əlaqədar qarşıdakı referendum barədə siyasi partiya nümayəndələrinin rəyi ilə maraqlandı.
Deputat Mübariz Qurbanlı ölkədə demokratiyanın inkişafı, insan hüquqlarının təmin edilməsi sahəsində həyata keçirilən islahatlar barədə qonağa ətraflı məlumat verdi, ümumxalq səsverməsinin zəruriliyini konkret faktlarla əsaslandırdı.
Görüşdə deputatlardan Əli Kərimli, Ramiz Əhmədov və başqaları da çıxış etdilər.
Bölmənin digər xəbərləri
