Milli Məclisin deputatları İƏT-in sessiyasında iştirak edəcəklər
Bakı, 23 yanvar, AZƏRTAC
Yanvarın 24-25-də İraqın paytaxtı Bağdad şəhərində İslam Əməkdaşlıq Təşkilatına üzv Dövlətlərin Parlament İttifaqı Konfransının 11-ci sessiyası keçiriləcək.
Milli Məclisin mətbuat xidmətindən AZƏRTAC-a bildiriblər ki, sessiyada parlamentin deputatları Gövhər Baxşəliyeva və Mirkazım Kazımov iştirak edəcəklər.
Toplantıda terrorizm və ekstremizmlə mübarizə, Fələstində son hadisələr, Suriyada humanitar vəziyyət, Sudanda, Somalidə, Malidə və Çadda mövcud siyasi durum, miqrasiya və qaçqınlar problemi, Kiprdə, Hindistanın Cammu və Kəşmir ştatında, Myanmada vəziyyət, Krımda müsəlman tatarların durumu ilə bağlı mövzular ətrafında müzakirələr aparılacaq.
Sessiyada Azərbaycanın Dağlıq Qarabağ bölgəsinin Ermənistan tərəfindən işğalı ilə əlaqədar məsələyə də baxılacaq.
Səfər yanvarın 26-da başa çatacaq.
Bölmənin digər xəbərləri
