MİLLİ MUSİQİ ALƏTLƏRİ İFAÇILARININ RESPUBLİKA MÜSABİQƏSİNİN İKİNCİ MƏRHƏLƏSİ BAŞLANMIŞDIR
Nazirliyin mətbuat xidmətindən AZƏRTAC-a bildirmişlər ki, müsabiqədən məqsəd xalqımızın milli-mədəni dəyərlərini qoruyub saxlamaq, onu daha da inkişaf etdirmək, eyni zamanda, musiqi mədəniyyətimizin ayrılmaz tərkib hissəsi olan müsiqi alətlərimizə həvəs və marağı artırmaqdır.
Müsabiqədə şəhər və rayon mədəniyyət müəssisələrinin nəzdində fəaliyyət göstərən musiqi kollektivlərinin 15 yaşdan 30 yaşadək üzvləri, eləcə də fərdi ifaçılar iştirak edirlər.
Müsabiqə simli, nəfəs və zərb alətləri üzrə keçirilir. İki tur üzrə nəzərdə tutulan müsabiqənin birinci turu sentyabr ayının 15-dək rayon, şəhər mədəniyyət evlərində keçirilmişdir. 160 nəfərə yaxın ifaçı növbəti turda iştirak etmək hüququ qazanmışdır.
Yekun mərhələ simli alətlər üzrə noyabrın 6-dan 9-dək Əli Bayramlı şəhərində, nəfəs və zərb alətləri üzrə isə noyabrın 13-16-dək Salyan rayonunda keçiriləcəkdir. Qaliblərə mükafatlar və diplomlar veriləcəkdir.
Bölmənin digər xəbərləri
