MİLLİ QURTULUŞ GÜNÜNƏ HƏSR EDİLMİŞ KİTAB SƏRGİSİ
M.F Axundov adına Azərbaycan Dövlət Kitabxanasında15 iyun - Milli Qurtuluş gününə həsr edilmiş kitab sərgisi təşkil olunmuşdur.
Sərgidə Azərbaycan Prezidenti Heydər Əliyevin çoxcildlik əsərləri, onun xarici ölkələrə səfərlərindən, nüfuzlu beynəlxalq təşkilatlarda keçirdiyi görüşlərdən bəhs edən 100-dən çox müxtəlif nəşrlər, dövlətimizin başçısının həyat və fəaliyyətinə dair foto-albomlar nümayiş etdirilir.
Açılış mərasimində çıxış edən mədəniyyət nazirinin müavini Sevda Məmmədəliyeva və digər natiqlər 1993-cü ilin böhranlı iyun günlərində xalqın təkidli tələbi ilə siyasi hakimiyyətə qayıdan Heydər Əliyevin o vaxt respublikamızda baş alıb gedən özbaşınalığa, hərc-mərcliyə son qoymaq, vətəndaş müharibəsinin qarşısını almaq, Azərbaycan dövlətçiliyini qoruyub saxlamaq, ölkədə ictimai-siyasi sabitliyi bərqərar etmək və nəhayət, iqtisadiyyatı dirçəltmək və inkişaf etdirmək, respublikamızı dünyada tanıtmaq sahəsində gördüyü nəhəng işlərdən danışdılar.
Mərasimdən sonra sərgiyə baxış oldu.
Bölmənin digər xəbərləri
