“MİLYONÇUNUN DİLƏNÇİ OĞLU” YENİ QURULUŞDA HAZIRLANIR

07.11.2006 [18:42]
Çap et
A⁺ A^-

AZƏRTAC xəbər verir ki, Azərbaycan Dövlət Musiqili Komediya Teatrında Şıxəli Qurbanovun “Milyonçunun dilənçi oğlu” əsəri əsasında rejissor Mikayıl Mikayılovun quruluşunda eyni adlı tamaşanın məşqlərinə başlanmışdır.

Azərbaycan Mədəniyyət və Turizm Nazirliyinin sifarişi ilə hazırlanan tamaşa uzun illər bu teatrın səhnəsində oynanılmış, hətta dövlət mükafatına da layiq görülmüşdür.

Müasirliyi baxımından yeni quruluşda hazırlanması zərurəti yaranmış tamaşada əsas rollarda xalq artisti Elxan Əhədov, əməkdar artist Xanım Qafarova, aktyorlar Ramil Qasımov, Nərgiz Kərimova, Ələkbər Əliyev, Nadir Xasıyev, Lütviyə Səfərova və başqaları məşq edirlər.

2007-ci ilin əvvəllərində ilk tamaşası nəzərdə tutulan səhnə əsərinin musiqisi Süleyman Ələsgərovundur.